ღონისძიების შემდგომი დასუფთავება

ერთჯერადი ჭურჭლის, ბოთლების, საკვების ნარჩენების, დეკორაციების ნაშთებისა და მუყაოს ყუთების ოპერატიული შეგროვება, დახარისხება, სპეციალურ პარკებში მოთავსება და ტერიტორიიდან სრულად გატანა.

ღონისძიების შემდეგ იატაკზე ხშირად რჩება სასმელების (ღვინო, წვენი, გაზიანი სასმელები და სხვა) ლაქები. ვიყენებთ პროფესიონალურ როტაციულ ტექნიკასა და სპეციალურ საწმენდ საშუალებებს, რომლებიც ლამინატს, პარკეტს, კაფელ-მეტლახსა და მარმარილოს უსაფრთხოდ უბრუნებს პირვანდელ სისუფთავესა და ბზინვარებას.

ღონისძიების დროს რბილ ავეჯსა და ხალიჩებზე ხშირად რჩება საკვების ნარჩენები და სხვადასხვა ლაქა. ჩვენი გუნდი პროფესიონალური მტვერსასრუტებით საფუძვლიანად წმენდს დივნებს, სავარძლებსა და ხალიჩებს, ხოლო საჭიროების შემთხვევაში ლაქებს ადგილზე სპეციალური საშუალებებით ამუშავებს.

მაგიდების, ბარის დახლებისა და სხვა სამუშაო ზედაპირების საფუძვლიანი წმენდა, ცხიმის, ლაქებისა და სხვა დაბინძურების მოცილება, შემდეგ კი სრული დეზინფექცია.

ტუალეტები ღონისძიების დროს ყველაზე ინტენსიურად გამოყენებული სივრცეა. ჩვენი გუნდი ატარებს უნიტაზების, ნიჟარებისა და სხვა სანიტარული მოწყობილობების ღრმა ქიმიურ წმენდას, სრულ დეზინფექციას, სარკეების გაპრიალებას და, საჭიროების შემთხვევაში, ჰიგიენური საშუალებების შევსებას.

ავეჯის საწყის პოზიციებზე დაბრუნება, კონფეტის, ლენტების, ბუშტებისა და სხვა დეკორატიული ელემენტების კვალის სრულად მოცილება, რათა სივრცე პირვანდელ, მოწესრიგებულ მდგომარეობას დაუბრუნდეს.